Printzeak aukeratzen du

Istorio hau, Erdi Aroan, erreinu batean gertatu zen. Malakahir erregeak seme bat zuen, Anaitz izenekoa.Anaitz ondoko erreinuko printzesaz maiteminduta zegoen. Nahia printzesa oso neska polita zen, urrezko ilea zuen eta begi urdin-urdinak.Anaitzek, betidanik, amets bat izan zuen: Nahiarekin ezkontzea eta bi erreinuak bat egitea.Baina arazo bat zeukan. Bere lagunik hoberena, Aritz, ere Nahiaz maitemindurik zegoen. Edo hori uste izan zuen berak betidanik...Behin Nahia, Aritz eta Anaitz elkarrekin hizketan zeuden (lagunak baitziren) eta Anaitz gauza batez ohartu zen: Aritz ez zion maiteminduzko begiekin begiratzen Nahiari.Hurrengo egunean, Aritz eta Anaitz bakarrik zeuden eta Anaitzek galdetu zion ea Nahia maite zuen. Honek ezetz esan zion.Egun batzuk beranduago Anaitz Nahiarengana joan zen eta honako hau esan zion: betidanik maite izan zaitut. Zure begi urdinetara begiratzen zaitudanean nire bihotzaren taupadak ikaragarri azkartzen dira.Nahiak esan zion berak ere maite zuela, baina bere gurasoei enztun ziela oso gaizki eramaten zirela Anaitzen gurasoekin eta ezin zutela elkarrekin egon.Anaitz negarrez bere gaztelura joan zen, eta egun pila bat bere logelatik atera gabe egon zen. Baina egun batean Aritzekin egotera joan zen.Gartatutakoa kontatu zion. Aritzek esan zion gauza bat kontatu behar ziola baina ez zekiela nondik hasi...Hau esan zion hitzez hitz: zurekin nagoenean hotza eta beroa aldi berean sentitzen ditut, far egiteko eta negar egiteko gogoak izaten ditut. Ez nintzen inoiz horrela sentitu.Hau entzuten zuen bitartean Anaitz konturatu zen berdin-berdina sentitzen zuela berak Aritzengatik. Baina Nahiarengatik ere sentitzen zuen.Ez zekien zer egin. Baina orduan Nahiak esandakoa gogoratu zuen. Konturatu zen Nahia maite zuela, baina Anaitzek ez zuen familiaren kontra joateko bezain beste maite.Orduan, bihotzak esan ziona egin zuen, beti egin nahi izan zuena: Aritzi muxu bat eman zion.