Astakiloak jo eta jo

ATXAGA, Bernardo: "Astakiloak jo eta jo".LABURPENA: Astakiloak musika talde bat dira. Lau dira: Patxiku, Mikel, Olegario eta Josetxo.Hasieran Arabiara joaten dira eta gizon garrantzitsu batentzat "Arratsero joaten da eguzkia" kanta jotzen dute, behin eta berriz. Honek dirua ematen die musika egiteko.Diru horrekin bidaiatzen hasten dira eta leku hauetara joaten dira: Finisterre aldera, Galizian; gero transatlantiko batean bidaiatzen dute; Italiako zirku batean ere jotzen dute; New Yorkera joaten dira; eta gero Afrikara. Bidaian zehar manager bibotedun bat ezagutzen dute eta haren lagunak egiten dira.Joaten diren lekuetako istorio batzuk ere kontatzen dituzte, adibidez, Finisterre aldean daudenean, hau zergatik deitzen den Finisterre kontatzen dute: lehen hor lurra bukatzen zela uste baitzuten eta izen hori jarri zioten.IRITZIA: Liburua ez zait gustatu. Oso aspergarria da eta atzean "12 urtetik aurrera" jarri arren, nik uste dut txikiagoentzat dela. Ramuntxo detektibea hamar urtetik aurrera zen eta hau baino askoz entretenigarriagoa zen.Arabian daudenean oso aspergarria da, denbora asko bakarrik abesti hori jotzen dutelako eta gero berriz hasteko esaten dietelako, hori askotan.Gehien gustatu zaidana Finisterren daudenean da, ez dakit zergatik, baina gehien gustatu zaidana izan da.Bestalde, gutxien gustatzen zaidan pertsonaia Olegario da, guztia ongi egon behar delako uste baitu. Eta gehien gustatu zaidan pertsonaia Mikel izan da, bere hitz egiteko moduak Olegario urduri jartzen duelako, eta nola hitz egiten duen gustatzen zaidalako.Baina, orokorrean, oso aspergarria da liburua.